У Парыжы на даху павільёна выставачнага цэнтра з'явілася самае вялікае графіці ў Еўропе, перадае RFI. Французскія мастакі з Сэнт-Эцьена Эла і Пітр, якія працуюць у жанры стрыт-арта, намалявалі пажылую, ахопленую эмоцыямі, французскую заўзятарку.
Убачыць малюнак можна з даху павільёна нумар 7. Як распавядае дызайнер праекта Аліўе Ландэс, кіраўнік калектыву Art en Ville, да яго звярнуўся прадстаўнік выставачнага цэнтра, які адказвае за праграму мадэрнізацыі цэнтра да Алімпійскіх гульняў 2024 года.
Для выканання праекта Ландэс абраў дах павільёна нумар тры, на заднім плане якога відаць панарама ўсяго Парыжа, уключаючы Эйфелеву вежу.
Велізарная плошча даху (роўная па памеры чатыром футбольным палям) прымусіла Ландэса звярнуцца да тандэму Эла і Пітр, якія ўжо раней рабілі графіці вялізнага памеру. Спатрэбіліся восем дзён і сотні літраў фарбы — Эла і Пітр пабілі уласны рэкорд, усталяваны ў 2015 годзе ў Нарвегіі.
Сам Аліўе Ландэс лічыць, што па жанры гэты твор «знаходзіцца на палове шляху» ад графіці да лэнд-арта, бо арганічна ўпісваецца ў навакольны ландшафт.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі18
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары