Грузінскі акцёр і спявак Вахтанг Кікабідзэ распавёў «Московскому комсомольцу» пра сваё стаўленне да пратэстаў у Тбілісі.
«Мне цяжка прааналізаваць, што цяпер у нас адбываецца. Яны атрымалі тое, што заслужылі, — я маю на ўвазе ўрад», — сказаў артыст.
Кікабідзэ заявіў, што «гісторыя не памятае» такога, каб расійскі дэпутат апынуўся ў парламенце Грузіі. Ён дапусціў, што ўрад мог наўмысна справакаваць канфлікт.
Акцёр выказаў надзею, што неўзабаве сітуацыя нармалізуецца і людзі змогуць шчасліва жыць. «Была б праца, дзеці ішлі б у школы, у дзіцячыя сады, і не было б лаянкі, стральбы і ўсёй гэтай бздуры. <…> Палітыка — гэта вельмі брудная штука», — сказаў на заканчэнне Кікабідзэ.
Вахтанг Кікабідзэ не быў у Расіі з 2008 года. Ён адмовіўся наведваць краіну пасля ўзброенага канфлікту ў Паўднёвай Асеціі.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне25
Каментары