Віцебскія актывісты грамадскага аб’яднання «Альтэрнатыва» сабралі каля 1000 подпісаў пад зваротам у Віцебскі гарвыканкам з прапановай размясціць у цэнтры гораду шыльдачкі з гістарычнымі назвамі вуліц. Нядаўна атрымалі адказ. Улады пішуць, што нанясенне гістарычных назваў «можа прынесці пэўныя нязручнасці для жыхароў і гасцей горада…», піша «Віцебская вясна».
Прапанова ўсталяваць шыльды з пералікам гістарычных назваў тычылася 14-ці цэнтральных вуліц Віцебска — Леніна, Суворава, Талстога, Камсамольскай, Рэвалюцыйнай, Кастрычніцкай, Пушкіна, Путна, камісара Крылова, Энгельса, Урыцкага, Савецкай, Кірава, Шубіна, праспекта Фрунзэ, а таксама плошчы Леніна.
Ініцыятары прапановы абапіраліся на досвед іншых беларускіх гарадоў, напрыклад Мінску, Горадні, Баранавіч, Пружан ды іншых. На думку актывістаў, усталяванне шыльдаў са спрадвечнымі назвамі вуліц дапаможа захаваць Віцебску сваё гістарычнае аблічча, падкрэсліць сваё мінулае ды прывабіць турыстаў.
Не атрымалася.
«Гораду Віцебску ў гэтым годзе спаўняецца 1045 гадоў, падчас якіх гарадскія вуліцы неаднаразова змянялі свае назвы. Нанясенне ўсіх гістарычных назваў вуліц на аншлагі не будзе садзейнічаць падтрыманню адзінай канцэпцыі афармлення гістарычнай часткі гораду, зможа прынесці пэўныя нязручнасці для жыхароў і гасцей горада», — піша ў адказе актывістам «Альтэрнатывы» намеснік старшыні Віцебскага гарвыканкаму Віктар Глушын.
Якія нязручнасці гэта можа прынесці віцяблянам і гасцям гораду, чыноўнік не ўдакладняе.
Затое спасылаецца на тое, што выраб і ўстаноўка аншлагаў пацягне за сабой значныя фінансавыя выдаткі.
-
Яраслаў Раманчук дае прагноз, калі скончыцца вайна. І расказвае, чым цяпер займаецца і як яго шакавалі заявы Бабарыкі
-
Супрацоўніка КДБ, што быў ва ўкраінскім палоне, вярнулі ў Расію, а затым асудзілі ў Беларусі не менш чым на 10 гадоў
-
Памёр папулярны блогер па нерухомасці, які меў больш за 100 тысяч падпісчыкаў
Цяпер чытаюць
Яраслаў Раманчук дае прагноз, калі скончыцца вайна. І расказвае, чым цяпер займаецца і як яго шакавалі заявы Бабарыкі5
Каментары