У Мінску загадчык аднаго з прадпрыемстваў гандляваў гашышам у кладоўцы
Сталічныя міліцыянеры затрымалі 30-гадовага мінчаніна, які гандляваў гашышам ў кладоўцы прадпрыемства, дзе працаваў загадчыкам, паведамляе minsknews.by.
Выйсці на наркагандляра аператыўнікам удалося праз яго пакупніка. Супрацоўнікі Партызанскага РУУС першапачаткова затрымалі 29-гадовага непрацуючага жыхара Ракава. У яго кватэры ў шафе з рэчамі знайшлі 1 грам забароненага рэчыва.
Ён і вывеў праваахоўнікаў на прадаўца і месца гандлю - 30-гадовага мінчука, які займаўся «бізнесам» у кладоўцы прадпрыемства.
На працоўным месцы падазраванага аператыўнікі знайшлі сляды рэчыва расліннага паходжання, а таксама «тавар», упакаваны ў фальгу.
Бацькі наркадылера здзівіліся візіту міліцыянераў да іх дадому і заявілі, што іх сын добрапрыстойны грамадзянін.
- У гасцінай у фігуранта было выяўлена ўсё тое ж рэчыва расліннага паходжання - гашыш. У агульнай складанасці ў зламысніка канфіскавалі каля двух грамаў наркотыку. Мінчанін працаваў па схеме «з рук у рукі». «Тавар» ён рэалізоўваў сваім знаёмым, - паінфармавалі ў ГУУС.
Праверка па справе працягваецца. Вядома, што затрыманы мужчына, які раней да адказнасці не прыцягваўся.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі75
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары