У кулуарах першага паседжання Палаты прадстаўнікоў сёмага склікання карэспандэнт «Нашай Нівы» перагаварыў з былым міністрам інфармацыі Ліліяй Ананіч, якая прыйшла ў парламент ад барысаўскіх вёсак.
Ананіч кажа, што ёй цікава работа ў сферы сямейнай палітыкі і ўдасканальванне законаў аб рабоце СМІ, праўда, з агаворкай, што пасля апошніх правак там і так усё добра.
Мы пацікавіліся ў Ананіч, як ёй фільм Сцяпана Пуцілы «Лукашэнка: крымінальныя матэрыялы», які на днях прызналі экстрэмісцкім.
«Я гэты фільм не глядзела, але пра яго чула і магу толькі ўявіць, хто за гэтым фільмам стаіць… Але паліваць брудам прэзідэнта — гэта недапушчальна! Мы павінны абараняць свае нацыянальныя інтарэсы ў тым ліку і ў асобе вышэйшых дзяржаўных асоб.
Грамадства адносіцца да ўлады так, як мы бачым па выніках выбараў — поўная падтрымка курса! Калі камусьці гэта не падабаецца, то адказ людзям, якія спрабуюць разгайдаць наш беларускі карабель такі: не атрымаецца!», — сказала Ананіч.
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары