Генасамблея ААН у сераду, 18 снежня, прыняла рэзалюцыю пра абарону правоў чалавека ў Крыме ва ўмовах расійскай акупацыі.
Рэзалюцыя атрымала 65 галасоў «за» і 23 — «супраць».
Краіны, якія галасавалі супраць рэзалюцыі: Беларусь, Арменія, Бурундзі, Камбоджа, Кітай, Куба, КНДР, Эрытрэя, Гвінея, Індыя, Іран, Казахстан, Кыргызстан, М'янма, Нікарагуа, Філіпіны, Расія, Сербія, Судан, Сірыя, Уганда, Венесуэла, Зімбабвэ.
У рэзалюцыі змяшчаецца спасылка на міжнародна-прававое вызначэнне агрэсіі і перасцярога, што атрыманне тэрыторыі або іншай перавагі ў выніку агрэсіі не можа і не будзе лічыцца законным.
Рэзалюцыя патрабуе ад Расіі спыніць палітыку змены дэмаграфічнай сітуацыі ў Крыме шляхам перасялення туды свайго насельніцтва і прымусовага высялення.
Цяпер чытаюць
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы18
Каментары