«Некалькі соцень чалавек святкуюць так званы Дзень волі – гэта дата гадавіны БНР
Выкарыстанне неспелых юных розумаў для стварэння «карцінкі» масавасці ў апошнія гады стала фірмовым стылем апазіцыі.
Большасць удзельнікаў – непаўналетнія. Менавіта ў такім узросце ўсё адно, дзе ладзіць перакуры альбо тусоўкі. Сама «карцінка» таксама традыцыйная: прыкрытыя хусткамі твары, стандартныя лозунгі і ўсё тая ж разгубленасць дарослых арганізатараў нібыта масавага пратэсту.
Сёння гэтая разгубленасць відавочная як ніколі: заклікаць Беларусь у Еўропу на фоне апошніх крокаў самой Еўропы – нелагічна. Разгубіліся ініцыятары акцыі нават з нагоды сваіх сённяшніх дзеянняў: яшчэ некалькі дзён таму яны абвясцілі, што пакуль не вызначыліся з маршрутам. Хаця і маршрут, і месца правядзення акцыі – плошча Бангалор – былі ўзгодненыя з Мінгарвыканкамам. Як ісці арганізатары меркавалі вырашыць ужо на месцы збору – ля Акадэміі Навук. Праўда, і тут адзінства не было: хтосьці заклікаў ісці на Кастрычніцкую плошчу, хтосьці – да Нацыянальнай бібліятэкі. На абмеркаванне такога глабальнага пытання змарнавалі амаль гадзіну.
У выніку – рушылі да Нацбібліятэкі – што з улікам юнага і цалкам вучнёўскага ўзросту большасці ўдзельнікаў – можна лічыць правільным шляхам. Ім бы кніжкі разумныя чытаць. А дарослыя іх кепскаму вучаць і прымушаюць працаваць на «карцінку». А абяцаюць за гэта вучобу ў Варшаўскім універсітэце».
Аналагічныя рэпартажы падалі і іншыя лукашэнкаўскія каналы — з невялікімі варыяцыямі. Напрыклад, Аверкаў на АНТ не сказаў пра вучобу ў Варшаве.
Цяпер чытаюць
Туск заявіў пра гатоўнасць адкрыць Баброўнікі і Кузніцу з лістапада46
Каментары