«Niekalki socień čałaviek śviatkujuć tak zvany Dzień voli – heta data hadaviny BNR
Vykarystańnie nieśpiełych junych rozumaŭ dla stvareńnia «karcinki» masavaści ŭ apošnija hady stała firmovym stylem apazicyi.
Bolšaść udzielnikaŭ – niepaŭnaletnija. Mienavita ŭ takim uzroście ŭsio adno, dzie ładzić pierakury albo tusoŭki. Sama «karcinka» taksama tradycyjnaja: prykrytyja chustkami tvary, standartnyja łozunhi i ŭsio taja ž razhublenaść darosłych arhanizataraŭ nibyta masavaha pratestu.
Siońnia hetaja razhublenaść vidavočnaja jak nikoli: zaklikać Biełaruś u Jeŭropu na fonie apošnich krokaŭ samoj Jeŭropy – niełahična. Razhubilisia inicyjatary akcyi navat z nahody svaich siońniašnich dziejańniaŭ: jašče niekalki dzion tamu jany abviaścili, što pakul nie vyznačylisia z maršrutam. Chacia i maršrut, i miesca praviadzieńnia akcyi – płošča Banhałor – byli ŭzhodnienyja ź Minharvykankamam. Jak iści arhanizatary mierkavali vyrašyć užo na miescy zboru – la Akademii Navuk. Praŭda, i tut adzinstva nie było: chtości zaklikaŭ iści na Kastryčnickuju płošču, chtości – da Nacyjanalnaj biblijateki. Na abmierkavańnie takoha hłabalnaha pytańnia zmarnavali amal hadzinu.
U vyniku – rušyli da Nacbiblijateki – što z ulikam junaha i całkam vučnioŭskaha ŭzrostu bolšaści ŭdzielnikaŭ – možna ličyć pravilnym šlacham. Im by knižki razumnyja čytać. A darosłyja ich kiepskamu vučać i prymušajuć pracavać na «karcinku». A abiacajuć za heta vučobu ŭ Varšaŭskim univiersitecie».
Anałahičnyja repartažy padali i inšyja łukašenkaŭskija kanały — ź nievialikimi varyjacyjami. Naprykład, Avierkaŭ na ANT nie skazaŭ pra vučobu ŭ Varšavie.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ2
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary