Расіяне прапаноўваюць італьянцам за 200 еўра зняць відэа з падзякамі Расіі і Пуціну — італьянскія СМІ
Італьянцам прапаноўваюць за грошы зняць відэа з удзячнасцю Расіі і асабіста Уладзіміру Пуціну за дапамогу ў барацьбе з каранавірусам, паведамляе аўтарытэтная італьянская газета La Repubblica.
Расіяне, што жывуць у Італіі, рассылаюць знаёмым італьянцам прапанову зняцца ў відэароліку нейкага «расійскага сродку масавай інфармацыі» з дапамогай праграмы WhatsApp.
Па інфармацыі выдання, гэтаму СМІ трэба знайсці пятнаццаць грамадзян Італіі, якія «скажуць нешта добрае пра расійскую гуманітарную дапамогу» і апублікуюць адпаведныя відэаролікі ў сацыяльных сетках: Twitter, Facebook і Instagram — у абмен на 200 еўра.
Прадстаўнік расійскага пасольства заявіў у інтэрв'ю La Repubblica, што нічога не ведае пра гэтыя просьбы, назваўшы гэтыя звесткі «правакацыяй махляроў».
Нагадаем, у мінулым месяцы Расія адправіла Італіі гуманітарную дапамогу: ваенных медыкаў, медыкаменты і медыцынскую апаратуру. Аднак праз кароткі час італьянскія СМІ паведамілі, што 80% гэтай дапамогі не спатрэбілася.
Цяпер чытаюць
Хто тая Аліна, з якой Лукашэнка танцаваў гэтым разам на навагоднім балі23
Каментары