Мінадукацыі: Тое, што Ганну Севярынец не звальняюць, дэманструе гуманізм улады
Міністэрства адукацыі адрэагавала ў сваім тэлеграм-канале на зварот беларускіх настаўнікаў, якія ў адкрытым лісце на імя міністра Карпенкі заклікалі не пазбаўляць атэстацыі дзяцей, якія навучаюцца дома.
Чытайце таксама: Настаўнікі звяртаюцца да міністра Карпенкі: Пазбавіць атэстацыі дзяцей, якія навучаюцца дома — непедагагічна і не па-людску
Па-першае, адзначае міністэрства, да публікацыі гэтага адкрытага ліста буйныя недзяржаўныя парталы нібыта «пераконвалі насельніцтва ў тым, што беларуская школа не можа працаваць дыстанцыйна».
«Аднак з ліста Ганны Севярынец можна даведацца, што настаўнікі справіліся з дыстанцыйнай формай і нават «максімальна эфектыўна наладзілі навучальны працэс». СМІ элегантна «пераабуліся ў скачку»», — паведамляе міністэрства.
Па-другое, адзначае міністэрства, апазіцыйныя СМІ «рэгулярна паведамляюць пра тое, што настаўнікі загружаныя нехарактэрнай працай».
«Аднак на прыкладзе Ганны Севярынец чытач можа ўбачыць, што радавы настаўнік мае масу вольнага часу для раздачы інтэрв'ю, напісання блогаў, сачынення адкрытых лістоў, вядзення сацыяльных сетак і іншых формаў вольнага часу», — піша тэлеграм-канал міністэрства.
Па-трэцяе, заўважае міністэрства адукацыі, «у апазіцыйных СМІ цяпер «разганяецца» тэзіс пра крайнюю рэпрэсіўнасць беларускай сістэмы адукацыі, дзе настаўнікі нібыта страшна запалоханыя, залежныя, не маюць уласнага меркавання».
На думку міністэрства, прыклад Ганны Севярынец сведчыць пра іншае.
«У нашай краіне нікога не пазбаўляюць права на прафесію, не звальняюць з працы, даюць свабодна выказвацца, крытыкаваць уладу, паведамляць сваё вельмі каштоўнае меркаванне і пісаць адкрытыя лісты», — піша міністэрства.
Што тычыцца канкрэтных мер па арганізацыі навучальнага працэсу, то яны, паведамляе міністэрства, «праводзяцца ў рэчышчы раней выпрацаваных, адобраных і публічна агучаных прэзідэнтам рашэнняў».
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
Цяпер чытаюць
Калекцыю карцін Віктара Бабарыкі распрадаюць з вялікімі зніжкамі. Але без самага дарагога для яго твора2
Каментары