Фонд страхавання медыкаў паведаміў, колькі сродкаў ужо пералічана
Амаль 750 тысяч рублёў пералічана ў страхавы фонд дапамогі работнікам аховы здароўя, якія захварэлі на COVID-19, паведаміў карэспандэнту БЕЛТА старшыня Федэрацыі прафсаюзаў Беларусі Міхаіл Орда.
Фонд страхавання медыкаў быў створаны ў пачатку красавіка пры прафсаюзе работнікаў аховы здароўя. Ён фарміруецца за кошт салідарных адлічэнняў усіх галіновых прафсаюзаў і добраахвотных ахвяраванняў грамадзян.
На 29 красавіка прафсаюзы пералічылі ў фонд больш за 630 тысяч рублёў, звыш 117 тысяч — асабістыя ўнёскі людзей. Ахвяраванні ў гэты фонд накіравалі каля 6 тысяч чалавек.
Паводле слоў Міхаіла Орды, гэта свайго роду паказчык згуртаванасці беларускага грамадства, яго гатоўнасць аб'яднаць свае намаганні ў складаны перыяд.
Каб атрымаць дапамогу з гэтага фонду, дастаткова прадаставіць копію бальнічнага лістка і запыт ад першаснай прафсаюзнай арганізацыі ўстановы аховы здароўя. Камісія па размеркаванні грашовых сродкаў, створаная пры галіновым прафсаюзе, аператыўна разгледзіць дакументы. «Мы вызначылі для сябе максімальны тэрмін: пасля прадастаўлення неабходных дакументаў выплаты павінны быць зроблены не пазней за тры дні. З фонду ўжо пералічана 25 тысяч рублёў у якасці матэрыяльнай дапамогі», — адзначыў старшыня ФПБ.
Прафсаюзныя арганізацыі ўсіх галін аказваюць і іншую дапамогу ўстановам аховы здароўя. У прыватнасці, закупляюць і перадаюць у бальніцы і паліклінікі маскі, ахоўныя медыцынскія камбінезоны, дэзсродкі.
Цяпер чытаюць
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары