Расія ніколі не ўмешваецца ва ўнутраныя справы іншых дзяржаў і заўсёды падтрымлівае дзейныя ўлады ў імкненні стабілізаваць пратэстныя сітуацыі. Пра гэта прэзідэнт Уладзімір Пуцін заявіў на сустрэчы са сваім кіргізскім калегам Сааранбаем Жээнбекавым, піша РБК.
Прэзідэнт Кыргызстана паведаміў, што напярэдадні парламенцкіх выбараў у краіне «актывізаваліся розныя сілы», якія выступаюць супраць стабільнасці і развіцця, пагражаюць суверэнітэту рэспублікі. Ён падзякаваў Пуціну за падтрымку Расіі, дадаўшы, што «ў іх нічога не атрымаецца».
«Вы ведаеце, мы ніколі не ўмешваемся ва ўнутраныя справы нашых суседзяў, наогул іншых краін», — адказаў на гэта Пуцін.
Ён дадаў, што, апроч іншага, Расія выступае за паўнавартасны дыялог паміж палітычнымі сіламі і будзе паводзіць сябе паслядоўна і ў дачыненні да Кыргызстана, аказваючы ў тым ліку эканамічную падтрымку.
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве8
Каментары