Пяцігадовы хлопчык збег ад бабулі, якая не купіла яму марожанае. Яго знайшлі за 15 кіламетраў
5-гадовага хлопчыка, які прапаў на Сельмашы, знайшлі ў Навабеліцы дзве дзяўчыны, паведамляе міліцыя.
Увечары 3 кастрычніка 2020 года ў гомельскую міліцыю патэлефанаваў усхваляваны мужчына. Ён паведаміў, што знік яго 5-гадовы сын Дзяніс. Унук збег ад бабулі, калі яна вяла яго дадому. Прычына была ў тым, што бабуля не захацела купіць яму марожанага.
Інфармацыю пра дзіця перадалі ўсім нарадам міліцыі. Да пошуку падключыліся валанцёры. Хлопчыка знайшлі ў іншым раёне абласнога цэнтра. За 3 гадзіны пасля знікнення ён пешшу прайшоў шлях у 15 кіламетраў.
Дзве гамяльчанкі заўважылі хлопчыка, што плакаў, каля СШ №2. Ён распавёў, што згубіўся і назваў свае імя, прозвішча і імя мамы. Дзяўчаты знайшлі яе ў адной з сацыяльных сетак і звязаліся з ёй. Неўзабаве Дзяніса прывезлі дадому.
-
Жыхар Ваўкавыска падклаў пад штаны пластыкавы кантэйнер і стрэліў сабе ў нагу з вінтоўкі. Ён праводзіў цікавы эксперымент
-
«Забілі маю сястру, а праз некалькі месяцаў здарылася трагедыя са школьніцай». Беларускі — пра маньяка, якога лавілі 25 гадоў
-
У Баранавічах раскрылі забойства 26‑гадовай даўніны. Тады забілі 16‑гадовую дзяўчыну
Цяпер чытаюць
Мінгандлю выпадкова зліла дакумент, у якім паказала, як і за што налічвае прэміі2
Каментары