Меркель адмяніла рашэнне аб велікодным каранціне і выбачылася перад немцамі
Канцлер Германіі Ангела Меркель папрасіла прабачэння за рашэнне ўвесці жорсткі каранцін на Вялікдзень у гэтым годзе, піша Deutsche Welle.
«Гэта было памылкай, за гэта я прашу прабачэння», — сказала Меркель журналістам у Берліне ў сераду.
Па выніках начной нарады 23 сакавіка Меркель і кіраўнікі федэральных зямель вырашылі працягнуць лакдаўн у Германіі да 18 красавіка і часткова абвясціць велікодныя святы 1 красавіка і 3 красавіка «днямі цішыні», зараз гэта рашэнне адменена.
Яна прызнала, што гэта рашэнне было памылковым, таму яна вырашыла яго адмяніць. Абвяшчэнне двух дадатковых святочных дзён пацягнула б за сабой занадта вялікую колькасць праблем і пытанняў, якія трэба было вырашыць за некалькі дзён, а шкода ад яго перавышала б карысны эфект, паказала яна.
«Гэта памылка толькі мая, паколькі ў канчатковым выніку я нясу за ўсё адказнасць», — падкрэсліла яна і папрасіла «прабачэння ва ўсіх грамадзян». Меркель дадала, што ёй вядома аб тым, што рашэнне падоўжыць велікодныя святы выклікала дадатковую няўпэўненасць у насельніцтва.
Каталікі і пратэстанты сёлета адзначаюць Вялікдзень 4 красавіка.
Цяпер чытаюць
Бабарыка пасля сустрэчы з Пратасевічам трапіў у ШІЗА2
Каментары