20 красавіка ў судзе Фрунзенскага раёна быў вынесены прысуд па крымінальнай справе палітвязня, грамадзяніна Расіі Аляксандра Геджадзэ. Яго абвінавацілі паводле ч. 1 арт. 342 КК(групавыя дзеянні, якія груба парушаюць грамадскі парадак). Суддзя Андрэй Млечка пакараў яго трыма гадамі калоніі, паведамляе spring96.org
Крымінальная справа на Аляксандра была заведзена за тое, што ён на каршэрынгавым аўто перавёз шыныі, з якіх потым на дарозе ў жылым комплексе «Каскад» былі збудаваныя барыкады.
Гэта адбылося ўвечары 12 кастрычніка. У той дзень на «Маршы пенсіянераў» у Мінску супраць пратэстоўцаў былі ўжытыя газ, святллшумавыя гранаты і іншыя спецсродкі, і ў адказ на гэта людзі ў многіх раёнах выйшлі на вячэрнія акцыі пратэсту.
Аляксандра затрымалі 27 кастрычніка, і да суда ён знаходзіўся ў СІЗА на Валадарскага.
Геджадзэ сваю віну прызнаў часткова. На судзе ён не адмаўляў, што перавозіў шыны, але казаў, што не ведаў, для чаго іх будуць выкарыстоўваць. Да пачатку слуханняў па справе палітвязень кампенсаваў пазоў ад МНС на пакрыццё шкоды (66,36 рубля).
Цяпер чытаюць
«Дыялект падазроны». Спявак Сярога прыйшоў на расійскае рэаліці і сабраў усіх хэйтараў5
Каментары