Грамадства

Пікеты ў Польшчы і Літве на мяжы з Беларуссю — што там адбываецца?

Мітынгі беларускіх эмігрантаў каля памежных пунктаў з польскага і літоўскага боку пачаліся яшчэ некалькі дзён таму. Тады людзі выставілі намёты. Агучвалася, што калі цягам трох дзён беларускія ўлады не адкрыюць межы для наземнага выезду грамадзян Беларусі, то пікетоўцы заблакуюць дарогі. Межы, як бачым, пакуль не адкрылі. Таму пікетоўцы перайшлі да дзеянняў.

З польскага боку пункту пропуску «Баброўнікі-Бераставіца» сабралося некалькі дзясяткаў чалавек, паведамляе партал Hrodna.life.

Яны разгарнулі бела-чырвона-белыя сцягі, узнялі плакаты. Пасля пачалі хадзіць туды-сюды па пешаходным пераходзе, блакуючы рух, але з перапынкамі. Такім чынам, кіроўцы ўсё ж праязджалі.

Пікетоўцы арганізавалі і прэс-канферэнцыю, на якой выступіў Павел Латушка. Ён распавёў, што праз прадстаўніка памежнай службы Польшчы перадаў патрабаванні ад удзельнікаў акцыі да беларускага боку: скасаваць абмежаванні на перасячэнне дзяржаўнай мяжы Беларусі. Раней Латушка адзначаў, што другая мэта гэтай акцыі пратэсту — сказаць Бруселю, што хопіць слоў «заклапочанасці», «глыбокай заклапочанасці» і «вельмі глыбокай заклапочанасці».

За гэтым назірала польская паліцыя, але ў падзеі не ўмешвалася, бо акцыя была ўзгодненая з уладамі.

Як паведамляе «Белсат», падобная акцыя прайшла і на літоўскай мяжы, побач з пунктам пропуску «Мядзінінкай — Каменны Лог».

Удзельнікі акцыі хацелі блакаваць рух, аднак зрабіць гэта не дазволіла паліцыя.

Межы Беларусі закрытыя на выезд па зямлі з 21 снежня 2020 года. Па афіцыйнай версіі — з нагоды каранавіруса. Грамадзяне Беларусі для выезду за мяжу наземным транспартам павінны мець працоўныя дамовы ці пэўныя прычыны (падрабязней тут). Пры гэтым на вылет з Беларусі гэтыя патрабаванні не распаўсюджваюцца.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Усе навіны →
Усе навіны

Праз два тыдні беларусаў чакаюць чатыры запар выходныя

Людзі здзіўляюцца таму, што ў вёсках на Браслаўшчыне няма платоў. Чым гэта можна патлумачыць?3

Нябензя назваў расійскі «мемарандум» «найлепшай прапановай» для Кіева

Мілыя ці пачварныя? Чаму лялькі Labubu сталі сусветнай сенсацыяй4

Колькі каштуе хатняя аптэчка ў Беларусі, Літве і Польшчы? Параўналі цэны1

Трамп: Я арганізаваў мірную дамову паміж Конга і Руандай. Але Нобеля мне за гэта не дадуць8

Мінгандлю абурылася завышэннем у 8 разоў цаны на чырвона-зялёныя сцяжкі5

У Іране адбыўся землятрус магнітудай 5,2. Адразу пайшлі чуткі2

«Доўгая дарога па ўсім свеце». Беларуска з адным заплечнікам аб'ездзіла 40 краін2

больш чытаных навін
больш лайканых навін

Сяргей Ціханоўскі выйшаў на волю93

Сяргей Ціханоўскі выйшаў на волю

Галоўнае
Усе навіны →

Заўвага:

 

 

 

 

Закрыць Паведаміць