Адвакацкае бюро высока ацанілі на міжнародным узроўні. А ў Беларусі яго заснавальніца застаецца «пад крыміналкай»
Беларускае адвакацкае бюро «ВМП Уласава, Міхель і Партнёры» па ацэнцы міжнароднага рэйтынгу IFLR 1000 стала лідарам у абедзвюх намінацыях: Financial & Corporate и Project Development. Пры гэтым у Беларусі, па новым законе аб адвакатуры, бюро ў хуткім часе павінны ліквідаваць.
У лютым пазбавілі ліцэнзіі адваката і кіруючага партнёра бюро Канстанціна Міхеля. Больш за тое, заснавальніца бюро, вядомая юрыстка Лілія Уласава, застаецца фігуранткай крымінальнай справы.
Яна ўваходзіла ў прэзідыум Каардынацыйнай рады, а 31 жніўня яе затрымалі і амаль два месяцы пратрымалі ў СІЗА. Яна была сярод удзельнікаў сустрэчы з Лукашэнкам у СІЗА КДБ. Пасля вызвалення Уласава заявіла:
«Я не з’ехала, бо мне здавалася, што гэта будзе выглядаць як здрадніцтва».
На яе думку, дамаўляцца з уладамі можна было адразу пасля выбараў, і Каардынацыйная рада да гэтага заклікала — сесці за стол перамоваў і знайсці варыянты пераходнага перыяду. Але рэпрэсіі супраць мірных грамадзян прыпынілі магчымасць перамоваў.
«Таму што дзейная ўлада лічыць, што пайсці на перамовы ці на саступкі — гэта праява слабасці. Улада дэманструе сваю сілу і нарошчвае агрэсію. Пакуль гэта іх адзіная стратэгія супрацьстаяння народнаму пратэсту. Але ігнараваць і душыць народ доўга немагчыма, сітуацыя мусіць нейкім чынам вырашыцца», — адзначала юрыстка ў інтэрв’ю TUT.BY.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне19
Каментары