Міністэрства замежных спраў Літвы уручыла Мінску ноту. Вільня сцвярджае, што 12 беларускіх памежнікаў парушылі мяжу.
«Мы інфармавалі Беларусь, што здарэнне зафіксавана, яно выклікае глыбокую заклапочанасць, бо мы лічым гэта яшчэ адной правакацыяй, павышэннем тэмпературы ў і так ужо дастаткова напружанай сітуацыі. Мы заклікаем устрымацца ад здарэнняў, якія нават могуць быць расцэненыя як правакацыя, ужо не кажучы пра сапраўдныя правакацыі», — сказаў журналістам Г. Ландсбергіс.
Ён адзначыў, што праінфармаваў пра інцыдэнт партнёраў па НАТА і ЕС. Міністр адзначыў, што рэакцыі Мінска на перасцярогі з боку Літвы сталі «спакайнейшыя». «Гэтыя рэакцыі цяпер троху спакайнейшыя, мы бачым пасля гэтага толькі чарговыя размовы праз СМІ. Але мы ўсё роўна захоўваем і афіцыйнае інфармаванне ўрада», — дадаў Г. Ландсбергіс.
Каментары