У Светлагорску жанчына пяць гадзін размаўляла з кібермахлярамі і засталася без 13 тысяч рублёў
Жанчыне патэлефанавалі «супрацоўнікі банка» і прапанавалі прыняць удзел у спецаперацыі. Для гэтага трэба было ўзяць на сваё імя крэдыты ў пяці банках і перавесці грошы на спецыяльны рахунак.
Гэтымі грашыма павінен быў завалодаць «несумленны супрацоўнік банка», пасля чаго яго б выявілі, а аперацыя б скончылася.
Першая размова жанчыны з махлярамі доўжылася цэлых пяць гадзін. У выніку яе цалкам пераканалі і прадыктавалі ўсе патрэбныя дзеянні, паўтараючы, што яна не павінна ў банках згадваць сапраўдную мэту атрымання крэдыту, каб не сарваць «аперацыю».
У выніку светлагарчанка набрала пяць крэдытаў на 13 тысяч рублёў, якія пасля перавяла махлярам і чакала сігналу аб сканчэнні «спецаперацыі». Не дачакаўшыся яго, яна зразумела, што яе падманулі, і пайшла ў міліцыю.
Цяпер чытаюць
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў2
Каментары