Міністэрства аховы здароўя Беларусі папярэдзіла аб небяспечным прадукце.
Гаворка ідзе пра негазаваны напой Aloe Vera, выраблены расійскім прадпрыемствам ТАА «Вельта-Пенза». Паводле інфармацыі Расспажыўнагляду, ў партыі прадукцыі была выяўлена тэхнічная вадкасць.
Лабараторныя даследаванні пацвердзілі наяўнасць небяспечных лятучых арганічных злучэнняў у пяці ўзорах напою і ў пробе канцэнтрату.
Расследаванне працягваецца, а дзейнасць завода-вытворцы прыпыненая.
Службы санітарна-эпідэміялагічнага нагляду ў Беларусі ўжо праводзяць праверкі і канфіскуюць небяспечны напой з продажу.
Міністэрства аховы здароўя настойліва заклікае неадкладна ўстрымацца ад ужывання гэтага напою. Калі вы ўбачылі гэты прадукт у краме, паведаміце пра гэта ў мясцовую ўстанову дзяржаўнага санітарнага нагляду.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая87
Каментары