Сіла тыктока. Жанчына паскардзілася на павольны інтэрнэт ад «Белтэлекама» — там раптам адрэагавалі
Беларуска запісала відэа, у якім паказала нізкую хуткасць інтэрнэту ад вядомага правайдэра. Праз яе загрузка фільмаў на калядны вечар была немагчымай.
Беларуска Паліна паскардзілася на нізкую хуткасць інтэрнэту ад аператара РУП «Белтэлекам» у сваім тыкток-акаўнце. Па яе словах, яна набыла тарыф па новай акцыі, якая абяцала павялічыць хуткасць інтэрнэту. Але гэты анлайн-пакет не апраўдаў яе чаканняў, піша BGmedia.
Увечары 25 снежня жанчына заўважыла, што абяцаная акцыя ніяк не палепшыла якасць самой сеткі. Фільм, які яна планавала паглядзець, не хацеў загружацца. Вось, як сітуацыю каментуе сама аўтарка роліка:
«Паважаны Белтэлекам, звяртаюся да вас з падзякай. Тое, што ў гэты калядны вечар я не маю магчымасці паглядзець свой улюбёны мюзікл «Вечера на хуторе близ Диканьки». Усё дзякуючы вашаму высокахуткаснаму інтэрнэту і «класным» акцыям «Даплаці пяць рублёў і атрымай яшчэ больш хуткі інтэрнэт». Дзякуй за вашую хуткасць, кліентаарыентаванасць! І тое, што майстар прыйдзе толькі ў тым выпадку, калі мы пагодзімся на гэтую класную акцыю. Дзякуй, Белтэлекам. Да пабачэння, Белтэлекам», — адзначае яна.
Праз некалькі дзён пасля публікацыі відэа ў тыктоку да мінчанкі звярнуліся прадстаўнікі «Белтэлекаму», і прапанавалі ёй вырашэнне праблемы.
У выніку супрацоўнік замяніў роўтэр, і інтэрнэт, як кажа сама жанчына, запрацаваў. Відэа і іншыя цяжкія файлы пачалі добра загружацца, хоць і не так, як ёй хацелася.
Аўтарка роліка радая выніку, аднак задалася пытаннем, чаму для вырашэння праблемы абавязковая агалоска ў тыктоку, а простых тэлефонных званкоў аператару цяпер недастаткова.
Падобны выпадак з «Белтэлекамам» — не ўпершыню.
Раней беларусы неаднойчы скардзіліся на якасць паслуг ад аператара «Белтэлекам». Галоўныя праблемы, з якімі яны сутыкаліся — тэлебачанне і інтэрнэт, «што віснуць», пастаянныя збоі ў сувязі.
Вось, як беларусы каментуюць працу аператара пад відэа мінчанкі.
«У нас нічога не цягне, толькі грошы».
«Што «Белтэлекам», што мабільная сувязь — абняць і плакаць. Не зразумела, за што мы плоцім. Мусіць, за ўласныя нервы».
«У «Белтэлекаме» тарыфы розныя, а хуткасць адна. Толькі грошы дзяруць з людзей».
У Міністэрстве сувязі, у сваю чаргу, прызнаюць праблемы з якасцю інтэрнэту. Але адзначаюць, што ўся праблема ў тым, што «інфраструктура проста не паспявае». Праблемы пагаршаюць будаўніцтва высотак без абавязковай мабільнай інфраструктуры, металізаваныя вокны, якія ў 1000 раз гасяць сігнал, недахоп частот і базавых станцый, а таксама састарэлыя сеткі ў райцэнтрах і сёлах.
Цалкам ліквідаваць праблему па ўсёй краіне абяцалі ажно да 2030 года.
Цяпер чытаюць
Хто з беларусаў трапіў на прыём да прэзідэнта Польшчы ШМАТ ФОТА10
Каментары
WiFi четвертого поколения,
и ты не через провод ноут свой используешь - конечно скорость будет отличаться от заявленной максимальной. Достали со своим идиотским тиктоком, жалобами и нытьем
[Зрэдагавана]
Либо падишах (белтелеком), либо ишак (подданные лукашенко -народец), ждём 2030 года, те, кто останется жив ждёт.
Белтелеком устроился знатно, за счёт абонентов и их устройств, обеспечивает работу своей вай-фай сети, из-за этого скорости абонетов вай-фая и близко не соответствуют тарифу, даже в 20см от роутера.
Плюс надо решать проблему тотального контроля и слежки за абонентами, в рамках узаконенного беззакония шведа и лукашенко. Плюс надо всех и всё охватить системой DPI, и всё, это, подружить меж собою.
Короч, ждём.....