У Вільні, як і ў Мінску, адмовіліся ад навагодняга салюту. Феерверкі заменяць 3D-інсталяцыямі
У далейшым віленскі муніцыпалітэт не будзе выдаваць дазволы на мерапрыемствы, на якіх запланаваны магутныя салюты, піша «Новая газета Балтыя».
Пры запуску феерверкаў у атмасферу выкідваюцца шкодныя рэчывы, якія негатыўна адбіваюцца на людзях, што пакутуюць на астму і сардэчныя захворванні. Салюты таксама палохаюць хатніх жывёл і птушак.
Зыходзячы з гэтага, Вільня вырашыла далучыцца да еўрапейскіх гарадоў, якія ўжо адмовіліся ад феерверкаў: сярод іх — Беласток, Гданьск, Уроцлаў і Варшава. Гандаль феерверкамі не будзе забаронены, але ўрад рэкамендуе жыхарам выкарыстоўваць іх радзей ці зусім адмовіцца ад іх.
Прафесар Віленскага ўніверсітэта і доктар-кардыёлаг Пранас Шэрпіціс нагадаў пра траўманебяспечнасць салютаў. «Людзі з-за халатнасці трапляюць у аддзяленні хуткай дапамогі з траўмамі і апёкамі пасля спроб запусціць феерверк», — кажа ён. На думку медыка, свята без феерверкаў павысіць бяспеку.
Нагадаем, што днямі стала вядома, што ў Мінску на новы год упершыню не будзе салюту. Гарадскія ўлады кажуць, што гэта не галоўны атрыбут Новага года, і абяцаюць, што і без феерверкаў будзе весела. Але, у параўнанні з Вільняй, падобна, мінчукам альтэрнатывы не прапануюць.
Цяпер чытаюць
Мінская фатографка трапіла ў страшную аварыю на самакаце ў Дубаі. Яна праляжала ў коме 14 дзён5
Мінская фатографка трапіла ў страшную аварыю на самакаце ў Дубаі. Яна праляжала ў коме 14 дзён
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары