Дэталі ад самалётаў будуць перавозіць праз акіян пры дапамозе гіганцкіх паветраных змеяў
Выкарыстоўваючы цягу ветразя плошчай 500 квадратных метраў, аўтары праекта плануюць скараціць расход паліва і паменшыць узровень забруджвання, паведамляе Bloomberg.
У пачатку 2022 года судна Ville de Bordeaux даўжынёй 154 метры, якое перавозіць дэталі для самалётаў Airbus SE, пачне выкарыстоўваць цягу паветранага змея пад назвай Seawing. Перад поўным запускам праект скончыць шасцімесячныя выпрабаванні.
Па ацэнцы стваральніка Seawing, кампаніі Airseas, такі змей плошчай у тысячу квадратных метраў, калі будзе ляцець на вышыні 300 метраў, дазволіць скараціць выдатак паліва і выкіды з судоў прыкладна на 20%.
Суднаходныя кампаніі зацікаўленыя ў скарачэнні выкідаў, паколькі гэтага патрабуе шэраг буйных кліентаў, якія настойваюць на тым, каб іх уласныя ланцужкі паставак менш забруджвалі навакольнае асяроддзе.
Былы выкладчык Іняза перайшоў на беларускую ў эміграцыі. Ён разважае пра лёс універсітэта, беларусаў за мяжой і адрозненне нас ад палякаў4
Каментары