Прэс-сакратар расійскага прэзідэнта Дзмітрый Пяскоў пракаментаваў інфармацыю аб магчымым нападзе Расіі ва Украіну і іншыя краіны ў эфіры тэлеканала «Расія 1».
«Расія ніколі першай ні на каго не нападала», — заявіў Пяскоў. Ён падкрэсліў, што інфармацыя аб магчымым нападзе Расіі на Украіну — пустое і беспадстаўнае нагнятанне напружанасці, а расейскі бок ні для каго не ўяўляе пагрозы.
Нягледзячы на гэта, верагоднасць правакацый для апраўдання падобных заяў існуе, адзначыў прэс-сакратар. Ён папярэдзіў, што спробы вырашыць украінскі крызіс сілавым метадам будуць мець самыя сур'ёзныя наступствы. Па яго словах, Масква прыкладае ўсе магчымыя намаганні для ўрэгулявання канфлікту ў Данбасе і захоўвае прыхільнасць нармандскага фармату і Мінскім пагадненням.
Раней агенцтва Bloomberg са спасылкай на кампанію Jane's паведаміла, што Расія надалей нарошчвае войскі на мяжы з Украінай і сцягвае туды ваенную тэхніку. Кампанія спасылаецца на спадарожнікавыя здымкі, на якіх нібыта відаць, што з лістапада да мяжы былі перамешчаныя танкі, артылерыйскія ўзбраенні і сістэмы супрацьпаветранай абароны, а таксама захаваная невялікая колькасць вайскоўцаў.
Каментары