Расія гатовая абмеркаваць пытанні дээскалацыі ва Украіне, але спачатку разлічвае атрымаць ад Вашынгтона адказ на расійскія прапановы па гарантыях бяспекі.
Пра гэта заявіў журналістам прэс-сакратар прэзідэнта Расіі Дзмітрый Пяскоў, піша РБК.
«Для пачатку трэба атрымаць адказ на канкрэтна сфармуляваныя расійскія прапановы», — сказаў ён.
Каментуючы публікацыю Bloomberg аб працяглым сцягванні вайсковай тэхнікі на мяжу з Украінай, Пяскоў заявіў: «Што б ні рабіла Расія са сваімі войскамі — яны гэта робіць на ўласнай тэрыторыі». «Тут мы наўрад ці можам дазволіць і пагадзіцца з тым, каб хто-небудзь аспрэчваў гэтае наша суверэннае права», — падкрэсліў ён.
У той жа час, дадаў Пяскоў, іншыя краіны «праводзяць недвухсэнсоўныя вучэнні». «Гэта ўсё выклікае нашу глыбокую занепакоенасць і змушае нас прымаць пэўныя меры для гарантавання ўласнай бяспекі», — указаў прэс-сакратар.
Bloomberg: Расія працягвае нарошчваць войскі ля межаў Украіны
Пуцін заявіў пра немагчымасць глядзець на Кіеў і «чакаць, калі далбануць»
Генеральны сакратар NATO заклікаў Расію адвесці войскі ад мяжы з Украінай
Цяпер чытаюць
Сакрэтнае дзяржаўнае апытанне 2020 года — Бабарыка перад арыштам дагнаў Лукашэнку па рэйтынгу9
Каментары