Навукоўцы высветлілі, што нядаўна адкрыты ў ПАР каранавірус кажаноў NeoCov — блізкі сваяк ўзбуджальніка блізкаўсходняй ліхаманкі MERS — можа пранікаць у клеткі прыкладна гэтак жа, як гэта робіць SARS-CoV-2.
З'яўленне ўсяго адной мутацыі ў яго геноме зробіць NeoCov небяспечным для чалавека, сцвярджаюць даследчыкі ў артыкуле на bioRxiv, піша ТАСС.
— Прычым на яго не будуць дзейнічаць антыцелы ад MERS-CoV і SARS-CoV-2 — папярэджваюць навукоўцы ў артыкуле.
Адкрыццё стала вынікам маштабных даследаванняў, якія праводзяць навукоўцы па ўсім свеце ў пошуках патэнцыйна небяспечных каранавірусаў жывёл, здольных заражаць чалавека. Высветлілася, што аналагічныя Covid-19 патагены існуюць у папуляцыях кажаноў і іншых дзікіх жывёл у ЗША, Камбоджы, Расіі, Швейцарыі і іншых краінах — гэта пагражае новымі пандэміямі, калі кантакты паміж людзьмі і дзікімі жывёламі будуць пачашчацца.
Варта дадаць, што артыкул на bioRxiv прадстаўляе сабой так званы прэпрынт. Гэта азначае, што яго не рэцэнзавалі незалежныя эксперты і не правяралі рэдактары навуковых часопісаў, як гэта звычайна бывае ў падобных выпадках. Таму да высноў, зробленых у гэтым і аналагічных артыкулах трэба ставіцца асцярожна.
-
Кітайская кампанія прэзентавала першага поўнапамернага робата-гуманоіда, які адчувае дотык і бегае марафоны
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары