Navukoŭcy vyśvietlili, što niadaŭna adkryty ŭ PAR karanavirus kažanoŭ NeoCov — blizki svajak ŭzbudžalnika blizkaŭschodniaj lichamanki MERS — moža pranikać u kletki prykładna hetak ža, jak heta robić SARS-CoV-2.
Źjaŭleńnie ŭsiaho adnoj mutacyi ŭ jaho hienomie zrobić NeoCov niebiaśpiečnym dla čałavieka, śćviardžajuć daśledčyki ŭ artykule na bioRxiv, piša TASS.
— Pryčym na jaho nie buduć dziejničać antycieły ad MERS-CoV i SARS-CoV-2 — papiaredžvajuć navukoŭcy ŭ artykule.
Adkryćcio stała vynikam maštabnych daśledavańniaŭ, jakija pravodziać navukoŭcy pa ŭsim śviecie ŭ pošukach patencyjna niebiaśpiečnych karanavirusaŭ žyvioł, zdolnych zaražać čałavieka. Vyśvietliłasia, što anałahičnyja Covid-19 patahieny isnujuć u papulacyjach kažanoŭ i inšych dzikich žyvioł u ZŠA, Kambodžy, Rasii, Šviejcaryi i inšych krainach — heta pahražaje novymi pandemijami, kali kantakty pamiž ludźmi i dzikimi žyviołami buduć pačaščacca.
Varta dadać, što artykuł na bioRxiv pradstaŭlaje saboj tak zvany preprynt. Heta aznačaje, što jaho nie recenzavali niezaležnyja ekśpierty i nie praviarali redaktary navukovych časopisaŭ, jak heta zvyčajna byvaje ŭ padobnych vypadkach. Tamu da vysnoŭ, zroblenych u hetym i anałahičnych artykułach treba stavicca aściarožna.
-
Antarktyda maje «hravitacyjnuju dzirku». Što heta takoje i ci niasie pahrozu płaniecie?
-
«Jandeks Braŭzier» analizuje navat asabistyja paviedamleńni. Voś jakija źviestki źbirajuć braŭziery i čamu heta važna
-
Na karybskim vostravie vypraboŭvajuć inavacyjnuju sistemu chvalevaj enierhietyki i apraśnieńnia vady
Kamientary