26 студзеня на палігоне цвёрдых бытавых адыходаў у расійскім горадзе Себеж на Пскоўшчыне знішчылі 1,9 тоны яблыкаў з Беларусі. Пра гэта піша Reform.by, спасылаючыся на прэс-службу Паўночна-Заходняга міжрэгіянальнага кіравання Рассельгаснагляду.
Груз быў затрыманы супрацоўнікамі Пскоўскай мытні ва Усвяцкім раёне пры спробе ўвесці яго машынай на тэрыторыю Расіі міма фітасанітарных пастоў.
Згодна маркіровачным этыкеткам, краіна паходжання садавіны — Украіна, сцвярджаюць у Рассельгаснаглядзе. Але перад гэтым яны былі нібыта легальна імпартаваныя ў Беларусь. Фітасанітарных сертыфікатаў і іншых суправаджальных дакументаў пра паходжанне і бяспечнасць прадукцыі ў кіроўцы не было.
Па гэтым факце распачата справа аб адміністрацыйным правапарушэнні. А яблыкі пайшлі пад экскаватар.
Памёр 50-гадовы спецназавец Буцько. Ён быў удзельнікам выкрадання і забойства Захаранкі і Ганчара36
Каментары