Экс-сяброўкі заснавальніка «Плэйбоя» распавялі пра яго агідны рытуал
Амерыканскія мадэлі Карыса і Крысціна Шэнан далі шчырае інтэрв’ю пра сваё жыццё з заснавальнікам «Плэйбоя» Х’ю Хэфнэрам. Дзяўчаты, што найбольш вядомыя якраз па здымках для гэтага часопіса, правялі ў асабняку мільянера два гады.
Карыса і Крысціна пераехалі ў асабняк Хэфнэра ў 2008 годзе і сталі дзвюма з трох яго афіцыйных сябровак. Таксама сёстры Шэнан атрымлівалі па тысячы даляраў у тыдзень за ўдзел у рэаліці-шоу Girls Next Door, прысвечаным жыццю сябровак Хэфнэра ў ягоным асабняку, піша Mirror.
Але ж, як расказваюць блізняты, падчас жыцця з Хэфнэрам яны сутыкаліся з гвалтам. Па словах сясцёр, вечарамі ім давалі наркотыкі або моцныя лекі, пасля чаго прымушалі ўдзельнічаць у групавым сэксе разам з Хэфнэрам ды іншымі жанчынамі.
Карыса і Крысціна кажуць, што ім давалі метаквалон (моцнае снатворнае) і марыхуану. Дзяўчатам казалі, што гэта дапаможа ім расслабіцца.
Блізняты кажуць, што адчувалі сорам, але працягвалі жыць у асабняку з Хэфнэрам, пры гэтым большасць начэй яны праводзілі ў яго спальні разам з ім і іншымі жанчынамі, дзе бралі ўдзел у групавым сэксе, што прыносіла ім яшчэ больш маральных пакутаў. У 2010 годзе блізняты нарэшце з’ехалі з асабняку. Як яны сцвярджаюць, будынак быў нашпігаваны камерамі і прыладамі для падслухоўвання, у асабняку быў строгі каменданцкі час, а слугі Хэфнэра запісвалі ўсё, што ядуць дзяўчаты.
Цяпер чытаюць
Алімпійскі чэмпіён Арамнаў: Нам выгадная працяглая вайна, і Вова ды Саша ў ёй перамогуць24
Каментары