Генпракуратура: За 2021 год мы скіравалі ў суды тры сотні пазоваў ад прызнанні інфармацыйнай прадукцыі экстрэмісцкай
Пракуроры Беларусі ў 2021 годзе накіравалі ў суд 8211 пазоваў, з іх 300 — аб прызнанні інфармацыйнай прадукцыі экстрэмісцкімі матэрыяламі, паведамляе прэс-служба Генпракуратуры. Гэтая лічба прагучала на калегіі Генпракуратуры, дзе падводзіліся вынікі 2021 года.
Па словах генпракурора Беларусі Андрэя Шведа, у 2021 годзе злачынствы «экстрэмісцкай накіраванасці» сталі часцей здзяйсняцца ў інтэрнэце.
«60% ад колькасці зарэгістраваных у мінулым годзе злачынстваў былі здзейсненыя з выкарыстаннем інфармацыйна-камунікацыйных тэхналогій», — сказаў ён.
Тое, што гэта так, амаль кожны жыхар Беларусі мог адчуць на ўласным вопыце. За мінулы год суды па запытах пракуратуры і іншых сілавых структур прызналі ў той ці іншай форме «экстрэмісцкімі» ледзь не ўсе папулярныя незалежныя сайты, а таксама безліч тэлеграм-каналаў і іншых акаўнтаў у сацсетках. Таксама шмат судоў адбылося за пасты і каментары ў сацсетках.
Цяпер чытаюць
Што Бабарыка і Калеснікава адказалі на пытанні пра вайну85
Каментары