Hienprakuratura: Za 2021 hod my skiravali ŭ sudy try sotni pazovaŭ ad pryznańni infarmacyjnaj pradukcyi ekstremisckaj
Prakurory Biełarusi ŭ 2021 hodzie nakiravali ŭ sud 8211 pazovaŭ, ź ich 300 — ab pryznańni infarmacyjnaj pradukcyi ekstremisckimi materyjałami, paviedamlaje pres-słužba Hienprakuratury. Hetaja ličba prahučała na kalehii Hienprakuratury, dzie padvodzilisia vyniki 2021 hoda.
Pa słovach hienprakurora Biełarusi Andreja Švieda, u 2021 hodzie złačynstvy «ekstremisckaj nakiravanaści» stali čaściej ździajśniacca ŭ internecie.
«60% ad kolkaści zarehistravanych u minułym hodzie złačynstvaŭ byli ździejśnienyja z vykarystańniem infarmacyjna-kamunikacyjnych technałohij», — skazaŭ jon.
Toje, što heta tak, amal kožny žychar Biełarusi moh adčuć na ŭłasnym vopycie. Za minuły hod sudy pa zapytach prakuratury i inšych siłavych struktur pryznali ŭ toj ci inšaj formie «ekstremisckimi» ledź nie ŭsie papularnyja niezaležnyja sajty, a taksama bieźlič telehram-kanałaŭ i inšych akaŭntaŭ u sacsietkach. Taksama šmat sudoŭ adbyłosia za pasty i kamientary ŭ sacsietkach.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ130
Kamientary