«Супрацоўнікаў з грамадзянствам РФ папрасілі перайсці ў беларускае». Тры гісторыі пра планы IT-кампаній
У якім рэжыме цяпер працуюць беларускія офісы кампаній і які ў іх план, спытаў dev.by у чытачоў. Вось чым тыя падзяліліся.
InventoLabs «плануе тэрмінова адкрыць яшчэ адзін офіс для рэлакейту»
— У InventoLabs з выплатай заробкаў, а таксама зарплатнымі праектамі ўсё ок.
Цяпер кампанія плануе тэрмінова адкрыць яшчэ адзін офіс для рэлакейту і перавезці тых, хто хоча ці можа. Першапачаткова ў планах была Венгрыя, бо паўгода таму адкрылі там офіс, але экстрана і сёння — Грузія. Які менавіта горад, пакуль не агучваецца, але хутчэй за ўсё, Тбілісі.
Праводзілі апытанне сярод тых, хто агучыў гатоўнасць з'ехаць. З пералічаных варыянтаў выбралі той, які найбольш часта згадваўся, і адправілі туды чалавека — вырашаць пытанні на месцы. Пыталіся пра жаданыя тэрміны рэлакацыі — як правіла, хлопцы казалі: не пазней, чым праз тыдзень, дзяўчаты могуць і на працягу месяца.
Па варыянтах лагістыкі ўсё як ва ўсіх: праз Маскву/Стамбул/Ерэван/Сочы, з Мінска — на цягніку/самалёце.
Прыбалтыйская кампанія «супрацоўнікам з грамадзянствам РФ рэкамендавала перайсці ў РБ»
— Прыбалтыйская кампанія, у Беларусі — аўтстаферы. Літаральна ў панядзелак літоўскі офіс прыняў рашэнне выплаціць заробкі за люты + авансаваць за сакавік-травень. Таксама ўладальнікі кампаніі падалі ў Дэпартамент па міграцыі прашэнне на адкрыццё квоты па праграме Blue Card на ўсіх супрацоўнікаў у Беларусі.
Усе расійскія праекты зачынілі, але паколькі мы працуем па Times & Materials, то проста праінфармавалі, што ў такой сітуацыі не можам аказваць паслугі, бо гэта для кампаніі фінансавыя рызыкі ў выглядзе неаплаты патрачанага часу.
Пераходзім на перадаплату з РФ.
У нас ёсць супрацоўнікі з расійскім грамадзянствам, ім рэкамендавана па магчымасці перайсці ў беларускае, бо яны не змогуць легальна ўехаць без дзейнай візы ў Літву, каб прайсці сумоўе ў Дэпартаменце па міграцыі.
Усе выдаткі па пераходзе ў беларускае грамадзянства, пераводы дакументаў, візавыя зборы і таму падобнае кампанія бярэ на сябе.
Opinov8: «Ці пераезд у Грузію, ці звальненне. 90% з'язджаюць»
— Opinov8 закрывае офіс у Мінску, бо не можа пераводзіць грошы з Вялікабрытаніі. Філіял у нас невялікі — 15-20 чалавек, асноўны офіс быў у Кіеве — каля 200 чалавек. Нам учора абвясцілі: ці пераезд у Грузію, ці звальненне. 90% з'язджаюць.
Пераезд плануецца на працягу месяца, пераязджаеш сам, а кампанія дапаможа і пакрые выдаткі.
«Да 80% усёй беларускай ІТ-галіны знікне». Тысячы праграмістаў з сем'ямі бягуць з Беларусі проста ў гэтыя хвіліны
Цяпер чытаюць
Што вядома пра затрыманых радыёаматараў, якім пагражае аж да расстрэлу5
Каментары