Цялят на шклоўскай ферме перавялі з Coca-Cola на патрыятычную Бела-Колу
Хворых цялят шклоўскай гаспадаркі ААТ «Ялавічы-Агра», якім раней давалі па сто грамаў Coca-Cola для барацьбы з дыспепсіяй, перавялі на беларускі аналаг газіроўкі — «Бела-Колу», піша Sputnik.
Пра ўдалы эксперымент стала вядома каля тыдня таму: хворым цялятам вырашылі даваць Coca-Cola перад ранішнім кармленнем для барацьбы з захворваннямі стрававання. Пры гэтым у відэарэпартажы тэлекампаніі «Шклоў» жывёлам давалі менавіта Coca-Cola.
Калі на ферму прыехалі карэспандэнты Sputnik, маладняк паілі беларускім аналагам амерыканскай газіроўкі — «Бела-Колай».
«Паводле слоў дырэктара калгаса, беларуская «Бела-Кола» больш эфектыўная ў лячэнні цялят, чым замежная Coca-Cola. Па складзе і тэхналогіях што адна, што другая плюс-мінус аднолькавыя, адзінае адрозненне — у беларускай коле ёсць кафеін, растлумачылі на прадпрыемстве. Цяляты п'юць, і становяцца больш бадзёрыя», — гаворыцца ў тэксце.
Немалаважны плюс беларускай колы — яна крыху таннейшая, піша Sputnik. І санкцыі ёй не страшныя.
Раней жа мясцовы ветдоктарка сцвярджала, што хворыя жывёлы менавіта пасля замежнай газіроўкі «ажываюць на вачах».
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення14
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары