Следчыя распачалі крымінальную справу па факце крадзяжу з могілак у вёсцы Васілінкі Слуцкага раёна. У крадзяжы падазраецца немясцовы грамадзянін — прадпрымальнік 1987 года нараджэння, паведамляе рэгіянальны тэлеграм-канал.
Фота ілюстрацыйнае
Калі мужчыну затрымалі, ён ва ўсім прызнаўся і расказаў, што праязджаў міма Слуцка і вырашыў учыніць крадзеж на могілках. Ён абышоў магілы і забраў гранітныя лампадкі з трох пахаванняў. А потым перапрадаў гэтыя вырабы ў Магілёве.
Пра злачынства стала вядома, калі ў міліцыю звярнуліся сваякі, якія не знайшлі лампадак на двух помніках.
Цяпер мужчыне пагражае пакаранне ад грамадскіх работ да 3 гадоў пазбаўлення волі па ч. 1 арт. 205 (крадзеж) Крымінальнага кодэкса.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне28
Каментары