«Армія — рабства!» ды «Улада нараджае паразітаў!» скандавалі яны і кінулі да генеральнага штабу дымавую шашку.
Беларускія анархісты правялі дэманстрацыю, пратэстуючы супраць ваенных гульняў Беларусі і Расеі. Пра гэта паведамляе анархісцкі сайт «Аўтаномнае дзеянне — Беларусь».
А 17.00, на другі дзень вучэнняў «Захад-2009», два дзясяткі анархістаў сабраліся на вуліцы Камуністычнай і рушылі ў бок Міністэрства абароны. Яны трымалі ў руках чырвона-чорныя сцягі і плакат «Народ галадае, ваенныя граюць. Вайна ўладам!»
Анархісты скандавалі: «Армія — рабства!», «Улада нараджае паразітаў!», «Дзяржава — вораг народу!», Чиновники — воры, политики — лжецы! За доллары копают могилу для страны!»
Ля Міністэрства абароны дэманстранты кінулі да будынку генеральнага штабу дымавую шашку і павесілі плакат на агароджу.
Дэманстрацыя доўжылася 5-7 хвілінаў.
Пра затрыманых і рэакцыю Міністэрства абароны не паведамляецца.
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»6
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары