Украінскія чыноўнікі паведамляюць, што расійскае ваеннае кіраўніцтва ўцякло з Херсона
13 жніўня пра гэта напісаў кіраўнік Мікалаеўскай вобласці Віталь Кім, а ў нядзелю ў эфіры нацыянальнага тэлемарафона інфармацыю пацвердзіў першы намеснік кіраўніка Херсонскай абласной рады Юрый Сабалеўскі.
На пытанне пра тое, ці сапраўды ўкраінская артылерыя знішчыла ўсе маставыя пераправы з Херсона праз Дняпро, Сабалеўскі адказаў сцвярджальна.
«Я магу гэта пацвердзіць. Сапраўды, сёння ў оркаў не існуе ніводнага лагістычнага маршруту — бяспечнага і такога, які задавальняў бы іх ваенныя патрэбы менавіта па забеспячэнні ваеннай групоўкі, размешчанай каля Херсона. Відаць, гэта і стала асноўнай прычынай таго, што расійскае ваеннае камандаванне сапраўды пакінула Херсон. Большасць з іх ужо выехалі з Херсона, менавіта пра гэта ёсць звесткі», — сказаў ён.
Расійскі бок гэтую інфармацыю ніяк не каментуе.
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары