Сына Жадобіна мецяць у генералы, а кіраваць часцю на яго месца паставілі маладога падпалкоўніка, які ніяк не мог здаць падцягванне
У 1-й міліцэйскай брыгады, якая брала ўдзел у падаўленні пратэстаў у 2020-м, новы начальнік — падпалкоўнік, які носіць крапавы берэт, хаця не цалкам здаў на яго. Сына ж Юрыя Жадобіна адпраўляюць вучыцца з прыцэлам на генеральскія пагоны.
Палкоўнік Віктар Жадобін развітаўся з часцю ўнутраных войскаў 5448, якой кіраваў адносна нядоўга.
На момант зверстваў 2020-га Жадобін-малодшы кіраваў брыгадай унутраных войскаў у Гомелі.
Потым быў пераведзены ў часць 5448, заняўшы месца Уладзіміра Дунаенкі, якога нядаўна за п'янку разжалавалі да выкладчыка Вайсковай акадэміі.
Чытайце таксама: Пасля скандалу з прастытуткамі камандзіра 6-й міліцэйскай брыгады Дунаенку зрабілі педагогам
Перавод на факультэт Генштаба азначае, што Жадобіна вядуць у генералы.
У войсках у Віктара Жадобіна рэпутацыя неадназначная. Некаторых раздражняюць шырокія плечы палкоўніка — маецца на ўвазе пратэкцыянізм бацькі.
Пагоны палкоўніка Жадобін-малодшы атрымаў у 2019-м на момант кіравання в/ч 7434 у Астраўцы.
Яго бацька, Юрый Жадобін — генерал-лейтэнант, былы кіраўнік унутраных войскаў МУС (1999—2003) старшыня КДБ (2007—2008), сакратар Рады бяспекі (2008—2009), міністр абароны (2009—2014).
Месца Жадобіна ў в/ч 5448 зойме малады падпалкоўнік Аляксей Лабанаў.
«Лабанаў вядомы найперш тым, што не здолеў сам здаць на крапавы берэт, будучы ў роце выведкі, дзе існуе культ гэтай шапкі. Тры разы ўсё здаваў — складаныя спарынгі, паласу, і тры разы завальваў, здавалася б, элементарнае — падцягванне.
На чацвёрты раз кіраўніцтва брыгады вырашыла заплюшчыць вочы на падцягванне і прапусціць, бо вельмі хоча.
Яшчэ з аспектаў біяграфіі — цудам утрымаўся ў войсках, калі пагранічнікі, якім ён са сваёй ротай дапамагаў ахоўваць граніцу, злавілі ягоных байцоў за п'янствам на заданні — павінны былі сядзець у засадзе і чакаць кантрабандыстаў, а самі пачалі піць. Але Лабанаў праявіў сябе пры разгонах пратэстаў у рэгіёнах у 2020-м, таму, імаверна, атрымлівае прамоцыю», — патлумачыў нам калега Лабанава.
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна21
Каментары