У Латвіі затрымалі беларуса і ўкраінца, якія вадзілі праз мяжу мігрантаў
4 верасня ў Латвіі затрымалі двух чалавек, якія маюць дачыненне да садзейнічання нелегальнай міграцыі, паведаміла Памежная служба Латвіі.
У Краслаўскім раёне за тры кіламетры ад беларускай мяжы латвійскія памежнікі і паліцэйскія паспрабавалі спыніць аўтамабіль VW Tuareg. Аднак кіроўца праігнараваў сігнал аб спыненні і толькі павялічыў хуткасць.
Але ўсё ж такі ўрэшце кіроўцу і пасажыра ўдалося затрымаць. Імі аказаліся грамадзянін Беларусі 1996 года нараджэння і ўкраінец 2000 года нараджэння.
Затрыманыя прызналіся, што чакалі каля мяжы людзей, якія павінны былі нелегальна перайсці беларуска-латвійскую мяжу, каб затым пераправіць іх у іншыя краіны Еўрасаюза. Абодва затрыманыя знаходзіліся ў Латвіі без дазвольных дакументаў.
У дачыненні да мужчын заведзена крымінальная справа, яны ўзятыя пад варту.
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары