Суботнім вечарам, 1 кастрычніка, у мінскім Палацы мастацтваў на вуліцы Казлова пачнецца «Ноч мастацтва». Абяцаюць перформанс, музыку, лекцыі ды майстэрні, размовы пра мастацтва і «Восеньскі салон». Экспазіцыя «Восеньскага салона» будзе адкрытая і даступная да прагляду ўсю ноч.
За лекцыйную частку адказваюць вядомыя мастакі і куратары Беларусі: Надзея Хмыль, Андрэй Пічушкін і Мар’яна Карповіч. Разам з імі і іншыя будуць разважаць пра тое, як разумець і глядзець мастацтва, пра этыку ў арт-асяроддзі і пра калекцыянаванне.
Таксама абяцаюць эксперыментальны танцавальны кантэст «E-Styles:Exp» і імпрэзу ад Лабараторыі Руху «STRUCTURERS».
За музыку адказваюць «Real Steel Boy», «Падаем и Ловим», «Dana Damn», «Tvoi_Hozyain», buddha boy, ryazanova.
На імпрэзе можна будзе набіць тату па эскізах Алеся Родзіма і мастакоў Беларусі.
Кошт квіткоў: 30 верасня — 7 рублёў, 1 кастрычніка — 10 рублёў. Набыць іх можна па спасылцы.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне7
Каментары
сп'яну? ноччу? у невядомай кампаніі?
класіка