Прадстаўнік Генштаба расказаў, што будзе з тымі вайсковаабавязанымі, якія не прыйшлі на зверку
Прадстаўнік галоўнага арганізацыйна-мабілізацыйнага ўпраўлення Генеральнага штаба Узброеных сіл Беларусі Міхаіл Фафанаў у эфіры тэлеканала СТБ паўтарыў афіцыйныя звесткі, што на зверку звестак вайсковаабавязаных, якую Мінабароны праводзіла ў канцы мінулага года, прыйшлі нібыта ажно 95% усіх тых, хто быў павінен. А чаго чакаць тым, хто не прыйшоў?
Паводле слоў вайсковага чыноўніка, ёсць невялікі працэнт грамадзян, якія па аб'ектыўных прычынах (камандзіроўкі, хвароба, знаходзіліся за межамі Рэспублікі Беларусь) не прайшлі зверку.
«Далейшая праца па зверцы іх уліковых звестак будзе праводзіцца ў ходзе планавай працы ваенных камісарыятаў.
Такім чынам, ніякіх санкцый да тых, хто не прайшоў зверку, у тым ліку і абмежавання выезду за межы Рэспублікі Беларусь, не прадугледжана. Хай не баяцца, прыходзяць і ўсё ў планавым парадку, калі ім будзе зручна, пройдуць», — сказаў Міхаіл Фафанаў.
І падкрэсліў, што «мерапрыемствы па зверцы ўліковых звестак не разавыя, а праводзяцца ў Рэспубліцы Беларусь ваеннымі камісарыятамі пастаянна на планавай аснове».
Раней ваенкам Брэсцкай вобласці заявіў у адмысловым відэа, што тых, хто не з'явіўся на зверку, не будуць выпускаць за мяжу. Але Мінабароны, як толькі гэтая інфармацыя пачала пашырацца, адразу ж яе абвергла.
Чытайце таксама:
«Абмежаванні на выезд за межы краіны прымяняцца не будуць». Мінабароны паспяшалася абвергнуць словы брэсцкага ваенкама
Беларусаў, якія не прайшлі зверку звестак у ваенкамаце, плануюць не выпускаць за мяжу
Цяпер чытаюць
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы18
Каментары
Алексе́й Ива́нович Фо́фанов (15 мая 1915, дер. Климовская (ныне Пудожский район Карелии) — 4 сентября 1986 года, Киев, Украина) — Герой Советского Союза, командир танковой роты 344-го танкового батальона 91-й отдельной танковой бригады 3-й гвардейской танковой армии 1-го Украинского фронта, старший лейтенант
Родился в семье известного сказителя былин Ивана Терентьевича Фофанова
і т.д. і д.т.п.