Амерыканскі бамбардзіроўшчык, здольны несці ядзерную зброю, праляцеў каля межаў Расіі над Фінскім залівам
Увечары 11 сакавіка амерыканскі стратэгічны бамбардзіроўшчык Boeing B-52 здзейсніў манеўр у 200 км ад Санкт-Пецярбурга. Маршрут можна было назіраць праз сэрвіс FlightRadar24.
Бамбардзіроўшчык, паводле інфармацыі сэрвісу, вылецеў з тэрыторыі Польшчы, зайшоў у паветраную прастору над Балтыйскім морам, развярнуўся ў раёне расійскага вострава Гогланд у Фінскім заліве, пасля чаго накіраваўся ў бок Вялікабрытаніі.
Міністр абароны Польшчы Марыюш Блашчак напісаў у твітары, што B-52Н суправаджалі польскія знішчальнікі. «Гэта важны элемент вучэнняў па аператыўнай сумяшчальнасці. Разам мы клапоцімся пра бяспеку ўсходняга флангу НАТА», — дадаў ён.
Дырэктар Фінскага інстытута міжнародных стасункаў Міка Аалтола назваў палёт бамбардзіроўшчыка «выразным сігналам Расіі на яе правакацыйныя дзеянні».
B-52 здольны несці як звычайныя, так і ядзерныя боепрыпасы.
У Расіі пакуль не каментавалі яго палёт над Фінскім залівам.
Цяпер чытаюць
Учора Мінск зноў затапіла. Чаму сталіца не гатовая да дажджоў?4
Каментары