Спорт77

МАК выступіў за допуск беларусаў на спаборніцтвы пад нейтральным сцягам, але толькі ў індывідуальных відах спорту

Беларускія і расійскія спартсмены могуць удзельнічаць у міжнародных спаборніцтвах пад нейтральным сцягам і толькі ў індывідуальных турнірах. Удзел спартсменаў з гэтых краін у камандных відах спорту не разглядаецца, заявіў на прэс-канферэнцыі 28 сакавіка прэзідэнт Міжнароднага алімпійскага камітэта Томас Бах.

Томас Бах

«Сёння выканаўчы камітэт МАК выпускае міжнародным федэрацыям і арганізатарам міжнародных спартыўных спаборніцтваў наступныя рэкамендацыі:

па-першае, атлеты з расійскімі ці беларускімі пашпартамі павінны выступаць толькі ў якасці індывідуальных спартсменаў. Па — другое, спартсмены з расійскімі ці беларускімі пашпартамі ў камандных відах спорту не могуць разглядацца», — заявіў Бах.

МАК таксама рэкамендаваў дапусціць да ўдзелу ў спаборніцтвах у нейтральным статусе спартсменаў з Беларусі, якія не падтрымліваюць вайну ва Украіне. Удзел беларускіх і расійскіх спартсменаў у Алімпіядзе 2024 года ў Парыжы на пасяджэнні выканкама не абмяркоўваўся.

Таксама Бах у сваім выступленні падкрэсліў, што ўдзельнічаць у міжнародных спаборніцтвах не могуць спартсмены, якія нейкім чынам звязаныя з расійскімі і беларускімі ўзброенымі сіламі ці нацыянальнымі структурамі. Атлеты таксама павінны адпавядаць усім антыдопінгавым рэкамендацыям.

МАК таксама пакінуў у сіле рэкамендацыю па забароне на правядзенне міжнародных спаборніцтваў на тэрыторыі Беларусі і Расіі; забарону на выкарыстанне сцягоў, гімнаў, кветак або любых іншых апазнавальных знакаў Беларусі і Расіі падчас правядзення спартыўных мерапрыемстваў, а таксама забарону на акрэдытацыю спартыўных функцыянераў з Беларусі і Расіі на спаборніцтвы.

Многія заходнія краіны катэгарычна не падтрымліваюць любы ўдзел у спаборніцтвах усіх расійскіх і беларускіх спартсменаў. Толькі сёння больш за 300 фехтавальшчыкаў звярнуліся з адкрытым лістом у МАК з просьбай не дапускаць расіян.

Томас Бах, аднак, заявіў, што прадстаўнікі Расіі і цяпер удзельнічаюць у некаторых спаборніцтвах (тэніс, настольны тэніс, веласпорт) — і гэта яшчэ, маўляў, ні разу не прыводзіла да праблем з бяспекай: «Мы не можам знайсці рашэнне, якое задавальняла б усіх. З гэтым нам, магчыма, прыйдзецца жыць», — адзначыў Бах.

Каментары7

  • Літвін
    28.03.2023
    І яшчэ абавязковы адказы на пытанні аб стаўленні да вайны і да агрэсіі пуціна
  • Снид
    28.03.2023
    Звучит круто, но как будет определяться "не падтрымліваюць вайну ва Украіне"?
    Звучит как что-то, на что любому спортсмену, живущему сейчас в РБ, просто опасно идти. У нас есть какое-нибудь сообщество или организация спортсменов-политэмигрантов?
  • Р6619
    28.03.2023
    Уражвае ступень прадажнасці спартовых устаноў. Ужо даўно ад Баха там і духу не павінна быць, а ён па ранейшаму "рашае"!
 
Націсканне кнопкі «Дадаць каментар» азначае згоду з рэкамендацыямі па абмеркаванні.

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

«Змагла развітацца па-людску». У Польшчы ў беларускі памёр муж — яна расказала, як даставіла прах на радзіму і арганізавала пахаванне

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму11

Францыя вырашыла прызнаць Палесцінскую дзяржаву. Ізраіль заявіў, што гэта «ўзнагарода за тэрарызм»15

Каранавірус паскорыў старэнне мозгу нават у тых, хто не хварэў4

Мінскае «Дынама» без шанцаў прайграла албанскай «Эгнаціі»2

Тавары з «Пагоняй» прадавалі, нягледзячы на забароны11

Стала вядома, як рагачоўскі завод працуе на расійскую вайсковую прамысловасць5

Ва ўсім свеце перастаў працаваць Starlink

Гродзенскі «Нёман» перавярнуў гульню з «Кошыцамі», прайграючы 0:21

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць