РФ адмовілася прапускаць гуманітарную місію ААН на левы бераг Херсонскай вобласці да людзей, якія пацярпелі ў выніку разбурэння Кахоўскай гідраэлектрастанцыі.
«ААН супрацоўнічае з урадамі Украіны і РФ па эфектыўнай дастаўцы гуманітарнай дапамогі ўсім людзям, якія пацярпелі ў выніку разбурэння Кахоўскай дамбы. Урад РФ пакуль адхіліў наш запыт на доступ да тэрыторый, якія знаходзяцца пад часовым вайсковым кантролем Расіі», — гаворыцца ў заяве каардынатаркі місіі ААН ва Украіне Дэніз Браўн.
У заяве Браўн адзначаецца, што ААН працягне працаваць над пошукам доступу да людзей на левабярэжнай Херсоншчыны.
«Мы заклікаем расійскія ўлады дзейнічаць у адпаведнасці са сваімі абавязкамі ў міжнародным гуманітарным праве», — заявіла каардынатарка ААН.
У ноч на 6 чэрвеня расейцы ўзарвалі Кахоўскую гідраэлектрастанцыю, разбурыўшы машынную залу і плаціну, станцыю немагчыма аднавіць. Падрыў Кахоўскага вадасховішча пагражае бяспецы Запарожскай АЭС.
Падрыў Кахоўскай ГЭС таксама выклікаў экалагічную катастрофу. Вада з вадасховішча пачала затапляць гарады і вёскі, пачалася эвакуацыя.
Па стане на 18 чэрвеня вядома пра 17 загінулых у выніку падрыву ГЭС, яшчэ 31 чалавек прапаў без вестак.
Цяпер чытаюць
У рэстаране «Мак.бай» на загад Лукашэнкі перайменавалі амерыкана. Як назвалі?33
Каментары