ЗША таемна падзяліліся з Гаагай доказамі расійскіх ваенных злачынстваў ва Украіне — The New York Times
Як указвае выданне, адміністрацыя прэзідэнта ЗША Джо Байдэна перад ухваленнем гэтага рашэння доўга яму супраціўлялася, бо баялася будучага пераследу амерыканскіх вайскоўцаў з боку Міжнароднага крымінальнага суда.
Прэзідэнт ЗША Джо Байдэн загадаў без лішняга шуму перадаць Міжнароднаму крымінальнаму суду (МКС) у Гаазе ўсе наяўныя доказы ваенных злачынстваў Расіі ва Украіне. Пра гэта 26 ліпеня напісала выданне The New York Times са спасылкай на некалькіх амерыканскіх чыноўнікаў, якія ведаюць сітуацыю асабіста.
Паводле іх слоў, доказы датычаць расійскіх удараў па мірных жыхарах і грамадзянскай інфраструктуры Украіны, а таксама незаконнага вывазу адтуль украінскіх дзяцей.
Адзначаецца, што гэтае рашэнне прымалася вельмі доўга, бо ў перспектыве гэта адкрывае магчымасць для МКС для аналагічнага пераследу ўжо амерыканскіх грамадзян за даказаныя ваенныя злачынствы.
«Байдэн распарадзіўся таемна перадаць Міжнароднаму крымінальнаму суду ў Гаазе ўсе неабходныя доказы ваенных злачынстваў Расіі, што істотна аблегчыць працу суда па прыцягненні вінаватых да адказнасці. Аднак рашэнне гэтае далося не вельмі лёгка, бо стварае прэцэдэнт для будучага пераследу ўжо нашых вайскоўцаў у выпадку даказанасці злачынстваў», — заявілі амерыканскія чыноўнікі выданню The New York Times.
Рэч у тым, што ані Расія, ані ЗША не з'яўляюцца падпісантамі Рымскага статута, які сведчыць аб падтрымцы МКС і траплянні пад яго юрысдыкцыю. Яшчэ з часоў адміністрацыі амерыканскага прэзідэнта Джорджа Буша — малодшага ЗША не падтрымліваюць прынцыпу, паводле якога МКС можа пераследваць грамадзян краіны, якая не ёсць чальцом Рымскага статута.
Гэта аднойчы вылілася ў адкрытыя санкцыі ЗША супраць пракурораў і суддзяў Міжнароднага крымінальнага суда за расследаванне злачынстваў амерыканскіх салдат падчас вайны ў Афганістане. Аднак пасля зняцця санкцый у 2021 годзе расследаванне адразу ж спынілася.
Цяпер чытаюць
У Суле адзначылі Купалле. Гасцей было столькі, што на дарогах утварыліся заторы6
Каментары