«Такія незалежныя краіны, як Беларусь, — костка ў горле для Захаду», — заявіла старшыня Савета Рэспублікі.
«Такія незалежныя і сацыяльна арыентаваныя краіны, як Беларусь, — костка ў горле для Захаду. Пра гэта заявіла старшыня Савета Рэспублікі Наталля Качанава падчас сустрэчы з працоўным калектывам ААТ «Мінскі домабудаўнічы камбінат», піша БелТА.
«Вы бачыце, што палітычная сітуацыя, якая складваецца вакол нашай краіны, сапраўды няпростая. Калі яшчэ ў 2020 годзе камусьці было незразумела, то тры гады прайшло — і ўсе ўбачылі, што гэта было выразна накіравана на развал нашай краіны. Такія краіны, як наша, — костка ў горле для многіх. Бо мы жывём сваім розумам, сваімі традыцыямі, і ўсё ў краіне робіцца для народа. Але самае галоўнае — трэба разумець, што трэба захаваць краіну. Не будзе нам шчасця нідзе ў іншай краіне», — сказала Наталля Качанава.
Беларусь за 30 гадоў здолела пабудаваць суверэнную, незалежную краіну, як мяркуе трэці чалавек у краіне.
«Мы дакладна памятаем, што адбывалася і як мы апынуліся на развале Савецкага Саюза. Была краіна — і няма. І вось за гэты перыяд пабудавалі прыгажуню-краіну.
Сёння ўсе прыязджаюць і кажуць: цудоўная краіна. Вучыцеся, працуйце, стварайце сем'і, нараджайце дзяцей. Хто як хоча рэалізаваць сябе ў нашай краіне — усе магчымасці для гэтага ёсць», — адзначыла спікер.
«Сацыяльна арыентаваная дзяржава — наш прыярытэт, — падкрэсліла Наталля Качанава. — Каб захаваць тыя сацыяльныя выгоды, якія мае наша дзяржава і нашы людзі, павінны працаваць прадпрыемствы, бо адлічэнне падаткаў, фарміраванне бюджэту дазваляе выплачваць пенсіі, дапамогу сем'ям, якія выхоўваюць дзяцей, вырашаць пытанні ў [галіне] аховы здароўя, набываючы сучаснае абсталяванне і выплачваючы заработную плату лекарам, настаўнікам,
гарантуючы бяспеку нашай краіны і спакой на нашых вуліцах.
Гэта дарагога варта. І на гэта ўсё, вядома, патрэбныя сродкі. Для гэтага павінны працаваць такія прадпрыемствы, як ваша».
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА117
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары