Алеся Бяляцкага ўганаравалі першай Прэміяй заслужаных выпускнікоў Цэнтра Маршала
У нямецкім Гарміш-Партэнкірхене прайшло ўручэнне Прэміі заслужаных выпускнікоў Цэнтра Джорджа Маршала. Першым лаўрэатам заснаванай сёлета прэміі стаў палітзняволены праваабаронца, кіраўнік «Вясны» і нобелеўскі лаўрэат Алесь Бяляцкі, які ў 2000 годзе быў слухачом Цэнтра.
Алеся на цырымоніі прадстаўляла ягоная жонка Наталля Пінчук. У сваёй прамове яна выказала падзяку кіраўніцтву Цэнтра Маршала за гэты акт салідарнасці з Алесем Бяляцкім, а ў яго абліччы — з усімі палітычнымі вязнямі Беларусі, з усім беларускім народам, які прагне вызвалення ад прамаскоўскай дыктатуры, піша Радыё Свабода.
«Алесь свой выбар зрабіў ад пачатку свядомага жыцця — яшчэ ў антыкамуністычным падполлі ранніх 1980-х гадоў ён змагаўся за свабоду і незалежнасць Беларусі. Алесь перакананы, што наша краіна гістарычна належыць да еўрапейскага і еўраатлантычнага свабоднага свету і мусіць у яго вярнуцца. Нягледзячы на тое, што яе адтуль гвалтам вырывае суседняя імперыя, як бы яна ні называлася — то расійская, то савецкая, то пуцінская. І я вельмі спадзяюся, што вераць у беларусаў і нашыя сябры на Захадзе. Што яны адрозніваюць беларускі народ ад рэжыму, які трымаецца цяпер на расійскіх штыках і падачках, здае суверэнітэт Беларусі дзеля самазахавання», — заявіла Наталля Пінчук.
Наталля патрабуе вызвалення з вязніцы Алеся Бяляцкага, і разам з ім «безумоўна і неадкладна мусяць быць вызваленыя тысячы іншых адважных беларускіх мужчын і жанчын, кінутых за краты за жаданне бачыць сваю краіну вольнай ад дыктатуры і расійскага паняволення. Час просьбаў і намёкаў даўно прайшоў. Гэта мусіць быць ультыматум, бо ўвязненне можа абярнуцца для кожнага смерцю за мурамі».
Алеся Бяляцкага затрымалі 14 ліпеня 2021 годам з паплечнікамі: Валянцінам Стэфановічам і Уладзем Лабковічам. 3 сакавіка 2023 года Бяляцкага асудзілі на 10 гадоў калоніі.
«Размаўляў увесь час па-беларуску». Павел Севярынец запісаў свой першы зварот пасля вызвалення18
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары