Інжынерку з «Паліміра» пакаралі за «экстрэмізм у сацыяльнай сетцы»
Суддзя суда Наваполацка Зінаіда Балаболава 7 верасня за захоўванне ў сацыяльнай сетцы спасылкі на «экстрэмісцкі» інфармацыйны канал пастанавіла арыштаваць на 15 сутак інжынерку-канструктарку завода «Палімір» Ірыну Баранаву, даведалася «Віцебская Вясна».
Пры апытанні ў судзе Ірына засведчыла, што яна сапраўды ў сацыяльнай сетцы «УКантакце» мела асабістую старонку, дзе ёсць падпіска на суполку «Zerkalo.io». Пра тое, што названая суполка прызнаная ўладамі «экстрэмісцкай», ёй было вядома.
Гэтае прызнанне Баранавай суддзёй Балаболавай было ўспрынята як доказ дачынення і вінаватасці «правапарушальніцы» ў распаўсюджванні экстрэмізму, і на падставе ч. 2 арт. 19.11 КаАП яна пакарала маладую жанчыну арыштам тэрмінам на пятнаццаць сутак.
Каментары
Свет пераможа цемру!