З Мінска ў Стамбул можна будзе даляцець на дзве гадзіны хутчэй, чым цяпер. Як такое магчыма?
Турэцкая авіякампанія Southwind Airlines запускае прамыя рэйсы па напрамку Стамбул-Мінск. І яны займаюць менш часу, чым у Belavia.
На сайце турэцкай авіакампаніі Southwind Airlines з'явіліся білеты на рэйс з Нацыянальнага аэрапорта Мінск у Стамбул.
Час пералёту — 3 гадзіны 45 хвілін. Гэта на 2 гадзіны хутчэй, чым прапануе Belavia. Прычына, верагодна, у тым, што Belavia аблятае Украіну над тэрыторыяй Расіі, а Southwind Airlines будзе аблятаць яе ўздоўж мяжы па тэрыторыі Польшчы. Напрыклад, аналагічным чынам выконваюць пералёты самалёты авіякампаніі Turkish Airlines (з Беларусі кампанія цяпер не робіць рэйсы).
Такі шлях нашмат карацейшы за той, якім вымушаныя лётаць самалёты авіакампаніі Belavia. Нагадаем, што ў адказ на прымусовую пасадку ў Мінску самалёта кампаніі Ryanair, на борце якога знаходзіліся Раман Пратасевіч і Сафія Сапега, Belavia забаранілі лётаць над тэрыторыяй ЕС.
Пералёт з Belavia займае 5 гадзін 40 хвілін. Квіткі на вылет з Мінска ў Стамбул на 23 снежня каштуюць ад 678 рублёў.
Першы вылет са Стамбула ў Мінск кампаніі Southwind Airlines запланаваны на 22 снежня. Першы рэйс па маршруце Мінск-Стамбул дасяжны на 23 снежня.
На бягучы момант цана білета ў адзін бок у турэцкай авіакампаніі пачынаецца з 203 еўра (прыкладна столькі ж, колькі ў беларускай авіякампаніі).
Цяпер чытаюць
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі19
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары