У НАТА няма ніякіх планаў па размяшчэнні войскаў на тэрыторыі Украіны, заявіў Енс Столтэнберг. Раней Макрон не выключыў адпраўку заходніх вайсковых сіл, піша РБК.
НАТА не плануе адпраўляць баявыя падраздзяленні ва Украіну, заявіў генеральны сакратар альянсу Енс Столтэнберг у размове з Associated Press на фоне паведамленняў аб тым, некаторыя краіны разглядаюць магчымасць уводу войскаў у зону канфлікту.
Ён падкрэсліў, што саюзнікі па НАТА аказваюць беспрэцэдэнтную падтрымку Украіне, якая праводзіцца з 2014 года і стала больш актыўнай пасля пачатку канфлікту ў 2022 годзе. «Але [у нас] няма ніякіх планаў па размяшчэнні баявых падраздзяленняў НАТА на месцах ва Украіне», — запэўніў Столтэнберг.
Па выніках саміту заходніх краін у Парыжы, які прайшоў 26 лютага, прэзідэнт Францыі Эмануэль Макрон дапусціў адпраўку войскаў заходніх краін ва Украіну. «Сёння няма кансэнсусу адносна адпраўкі наземных войскаў афіцыйным, меркаваным і адобраным чынам. Але ў будучыні нічога выключаць нельга», — заявіў ён.
Дэлегатка КР Карпушонак пасля маўчання апублікавала відэа31
Каментары