Мінская ДАІ прапануе паведамляць пра «кінуты» транспарт праз спецыяльны бот
Упраўленне ДАІ ГУУС Мінгарвыканкама паведаміла, што цяпер паведамляць міліцыі пра даўно не эксплуатаваныя транспартныя сродкі можна праз спецыяльны тэлеграм-бот. Сам па сабе ён быў запушчаны раней, і з дапамогай яго можна было паведамляць ДАІ пра праблемныя ўчасткі дарог. Цяпер жа функцыі пашырылі.
Для таго, каб данесці інфармацыю да дарожнай міліцыі, неабходна ў чат-бот @Pomoghet_bot адправіць паведамленне з пазначэннем адраса стаянкі даўно неэксплутаванага транспартнага сродку і яго фота.
Неэксплутаваны транспартны сродак — гэта аўтамабіль, на якім, напрыклад, няма шкла ў салоне, колаў, элементаў кузава, ці часткі машыны дэфармаваныя, а таму на ім нельга ездзіць.
«Да катэгорыі неэксплутаваных таксама належыць транспартны сродак, які не эксплуатуецца больш за шэсць месяцаў з дня заканчэння тэрміну дзеяння дазволу на допуск транспартнага сродку да ўдзелу ў дарожным руху і не падтрымліваецца ў належным стане, які дапускае магчымасць яго ўдзелу ў дарожным руху і эксплуатацыі», — адзначылі ў ДАІ.
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары